काठमाण्डौं

बैंकिङ कसुर मुद्दाका फरार प्रतिवादी ३८ वर्षिय विश्वनाथ अधिकारीलाई प्रहरीले पक्राउ गरेको छ । बिहीबार प्रहरीले प्रतिवादी अधिकारीलाई काठमाण्डौंस्थित तारकेश्वरबाट पक्राउ गरेको हो । 

अधिकारीले आफ्नो बैंक खातामा प्रयाप्त रकम नभएको जानी–जानी जाहेरवालालाई भुक्तान हुन्छ भनी चेक दिएका थिए । तर खातामा प्रयाप्त रकम नभएपछि चेक भुक्तान भएन । 

चेक भुक्तान नभएपछि उनी विरुद्ध उच्च अदालत पाटनमा मुद्दा दायर भयो । अदालतले उनलाई ६२ लाख आठ हजार रुपैयाँ जरिवाना र १० दिन कैदको फैसला सुनाएको छ ।