काठमाडौं
पाँचथर पावर कम्पनीको संस्थापक सेयर र आयोजना प्रभावित सेयर साधारण सेयरमा परिवर्तन भएको छ ।  पाँचथर पावर कम्पनीअन्तर्गत सञ्चालित हेवा खोला ’ए’ जलविद्युत आयोजनाको लागि लगानी गरिएको संस्थापक र आयोजना प्रभावित सेयर सर्वसाधारणमा परिणत गरिएको हो।

७८ लाख ८४ हजार ३ सय ४५ कित्ता संस्थापक सेयर साधारण सेयरमा परिवर्तन गरिएको कम्पनीले जनाएको छ। कम्पनीका अनुसार संस्थापक सेयरधनीको ७७ लाख कित्ता र आयोजना प्रभावित स्थानीयको १ लाख ७४ हजार ७५० कित्ता गरी कुल ७८ लाख ८४ हजार ३४० कित्ता सेयर सर्वसाधारणमा परिणत भएको हो।

१४.९ मेगावाटको हेवा खोला ’ए’ जलविद्युतले आयोजना प्रभावित बासिन्दाका लागि १ लाख ७४ हजार ७ सय ५० कित्ता र कर्मचारीलाई ९ हजार ५ सय ९८ कित्ता सेयर बाँडफाँड गरेको थियो।  फागुन २३ गतेपछि उक्त सेयर दोस्रो बजारमा कारोबारमा आउने कम्पनीले जनाएको छ। बुधबारको अन्तिम कारोबार अनुसार पाँचथर पावर कम्पनीको सेयर मूल्य ५३० रुपैयाँ कायम रहेको छ ।