काठमाण्डौं
साताको तेस्रो दिन मंगलबार नेप्से परिसूचक उकालो लागेको छ । बिहानको प्रि ओपन सेसनमा २६.५१ अंकले बढेको सेयर बजार १७.४२ अंंकमा पुगेर बन्द भएको छ । 

नेपाल स्टक एक्सचेञ्जका अनुसार मंगलबार सेयर कारोबार मापक नेप्से परिसूचक १७.४२ अंकले बढेर २७३५.९३ विन्दुमा पुगेको छ । आज नेप्से ०.६४ प्रतिशतले बढेको हो । सेन्सेटिभ परिसूचक पनि ४.३६ अंकले बढेर ५२३.१५ विन्दुमा झरेको छ । 

कूल २ सय २८ वटा कम्पनीको ६० लाख ८१ हजार ६ सय २ कित्ता सेयर खरिदबिक्री हुँदा ३ अर्ब २१ करोड २८ लाख ८७ हजार रूपैयाँ बराबरको कारोबार भएको नेप्सेले जनाएको छ ।

स्टकका अनुसार कारोबार भएका कूल १३ उपसमूहमध्ये मंगलबार उत्पादन तथा प्रशोधन र लगानी समूहबाहेक बाँकी सबै उपसमूहको सेयर बढेको छ । मंगलबार पनि नेपाल टेलिकमको नै सर्वाधिक कारोबार भएको छ । टेलिकमको २१ करोड ४९ लाख ६७ हजार रूपैयाँ बराबरको कारोबार भएको हो ।

मैलुङ खोला जलविद्युत कम्पनी लिमिटेडको सेयरमूल्यमा सकारात्मक सर्किट लागेको छ । कम्पनीको सेयरमूल्य १० प्रतिशतले बढेर ६ सय ८२ रुपैयाँ पुगेको छ ।

मंगलबार एभरेष्ट इन्स्योरेन्स कम्पनीको संस्थापक सेयरको मूल्य सबैभन्दा धेरै घटेको छ । कम्पनीको संस्थापक सेयरको मूल्य २.६९ प्रतिशतले घटेर ४ सय ७० रूपैयाँमा झरेको छ ।