१९ मंसिर, २०८१ बुधबार
02:09:48 PM
१० फागुन, २०७८
प्रभु बैंक लिमिटेडको १२ प्रतिशत बोनस बापतको १ करोड ३६ लाख १६ हजार ४ सय ६८ दशमलव ७६ कित्ता सेयर सूचिकृत भएको हो ।
काठमाडौं
मंगलबार नेपाल स्टक एक्सचेञ्ज (नेप्से) मा २ बैंकको बोनस सेयर सूचिकृत भएको छ । मंगलबार नेप्सेमा प्रभु बैंक लिमिटेड र ग्लोबल आईएमई बैंक लिमिटेडको बोनस सेयर सूचिकृत भएको हो । नेप्समा मंगलबार प्रभु बैंक लिमिटेडको १२ प्रतिशत बोनस बापतको १ करोड ३६ लाख १६ हजार ४ सय ६८ दशमलव ७६ कित्ता सेयर सूचिकृत भएको हो ।
बैंकले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको १२ प्रतिशत बोनस सेयर र कर प्रयोजनार्थ ०.६३ प्रतिशत नगद गरी कुल १२.६३ प्रतिशत लाभांश वितरण गर्ने प्रस्ताव गरेको थियो ।
त्यस्तै, ग्लोबल आईएमई बैंक लिमिटेडको १० प्रतिशत बोनस बापतको २ करोड १६ लाख ३२ हजार ५ सय ३ दशमलव ०३ कित्ता सेयर सूचिकृत भएको हो । बैंकले गत आर्थिक वर्ष २०७७/७८ को मुनाफाबाट बैंकका शेयरधनीहरूलाई चुक्ता पूँजीको १० प्रतिशत बोनस सेयर र कर प्रयोजनका लागि ३.५ प्रतिशत नगद गरी कुल १३.५ प्रतिशत लाभांश वितरण गर्ने घोषणा गरेको थियो ।
