काठमाडौं
नेपालमा पछिल्लो २४ घण्टामा थप ४सय ३७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ५ हजार १ सय ३३ जनाको पीसीआर परीक्षण गर्दा २७५ जना र ३ हजार ९सय ५८ जनाको एन्टिजेन परीक्षण गर्दा १सय ६२ जना गरी थप ४सय ३७ जनामा कोरोना संक्रमण पुष्टि भएको हो ।

कोरोना संक्रमणबाट पछिल्लो २४ घण्टामा २ जनाको मृत्यु भएको छ । पछिल्लो २४ घण्टामा २ हजार ४ सय ५४ जना कोरोना संक्रमणमुक्त भएको मन्त्रालयले जनाएको छ । हालसम्म नेपालमा कोरोना संक्रमितको कुल संख्या ११ लाख १३ हजार ५४४ पुगेको छ ।

देशभर सक्रिय संक्रमितको संख्या १४ हजार ४सय ३५ जना रहेका छन् । जसमध्ये १३ हजार ८ सय २८ जना होम आइसोलेसनमा रहेका छन् भने ६ सय ७ जना संस्थागत आइसोलेसनमा रहेका छन् ।