काठमाण्डौं

बीमा क्षेत्रमा पुरानो इतिहाँस बोकेको नेशनल लाइफ इन्स्योरेन्स कम्पनी लिमिटेडको चालु आर्थिक वर्षको देस्रो त्रैमासिकमा ३९.०३ प्रतिशतले नाफा घटेको छ । कम्पनीले दोस्रो त्रैमासमा सार्वजनिक गरेको तथ्यांकले यसलाई पुष्टि गरेको हो । 

सार्वजनि गरेको विवरण अनुसार समिक्षा अवधीसम्म आइपुग्दा कम्पनीको खुद नाफा ३९.०३ प्रतिशतले घटेर १४ करोड ४१ लाख ८६ हजार रुपैयाँमा सिमित भएको छ । गत वर्षको सोही अवधिमा कम्पनीले २३ करोड ६५ लाख २ हजार रुपैयाँ खुद नाफा कमाएको थियो । 

पुष मसान्तसम्म कम्पनीको बीमा शुल्क भने २४.०२ प्रतिशतले बढेर ६ अर्ब ७९ करोड ७७ लाख ९२ हजार रुपैयाँ पुगेको छ । अघिल्लो वर्षको सोही अवधिसम्ममा कम्पनीको बीमा शुल्क ५ अर्ब ४८ करोड १३ लाख २१ हजार रुपैयाँ रहेको थियो ।

हाल कम्पनीको चुक्ता पुँजी ३ अर्ब ३९ करोड ८ लाख रुपैयाँ र जगेडा कोषमा एक अर्ब १ करोड २२ लाख ६६ हजार रुपैयाँ सञ्चित रहेको छ । कम्पनीको जीवन बिमा कोषको आकार २४.०२ प्रतिशतले बढेर ४७ अर्ब २१ करोड १२ लाख रुपैयाँ पुगेको छ । यसैगरी कम्पनीको वार्षिक प्रतिसेयर आम्दानी ८ रुपैयाँ ५ पैसा र कम्पनीको प्रतिसेयर नेटवर्थ १३९ रुपैयाँ ०६ पैसा रहेको छ ।