काठमाडौं
बिपिडब्लु लघुवित्त वित्तीय संस्थाले सर्वसाधारणका लागि साधारण सेयर (आइपिओ) निष्काशन तथा  बिक्री गर्ने भएको छ । कम्पनीले सेयर निष्काशन गर्नको लागि निष्काशन तथा बिक्री प्रबन्धकमा मेगा क्यापिटल मार्केट्स लिमिटेडलाई नियुक्त गरेको छ ।

बिहिवार मेगा क्यापिटल त्रिपुरेश्वरमा एक कार्यक्रमका बिच कम्पनीले सेयर निष्काशन तथा बिक्री प्रबन्धकमा मेगा क्यापिटललाई नियुक्त गरेको हो ।  सम्झौतापत्रमा संस्थाका निर्देशक सविन प्रधानाङ्ग र मेगा क्यापिटलका चिफ इन्भेस्टमेन्ट अफिसर सुलभ श्रेष्ठले हस्ताक्षर गर्नुभएको छ ।

लघुवित्तले सर्वसाधारणका लागि ९७ लाख रुपैयाँ रकम बराबरको ९७ हजार कित्ता सेयर निष्काशन गर्न लागिएको हो । आईपीओ निष्कासनपछि संस्थाको चुक्तापुँजी ३ करोड रुपैयाँ पुग्नेछ।