काठमाडौं
आईएमई जनरल इन्स्योरेन्सले चालु आर्थिक बर्षको दास्रो त्रैमासम्मको वित्तीय विवरण सार्वजनिक गरेको छ । इन्स्योरेन्सले सार्वजनिक गरेको वित्तीय विवरण अनुसार कम्पनीको दोस्रो त्रैमासम्म खुद  नाफा १९ दशमलव २३ प्रतिशतले घटेर १२ करोड १३ लाख ६८ हजार रुपैयाँ पुगेको छ ।

गत आर्थिक बर्षको सोही अवधिमा कम्पनीले १५ करोड २ लाख ६६ हजार रुपैयाँ खुद नाफा कमाएको थियो । पुष मसान्तसम्म कम्पनीको बीमा शुल्क ३ दशमलव ४० प्रतिशतले बढेर ३७ करोड ३६ लाख २५ हजार रुपैयाँ पुगेको छ । अघिल्लो वर्षको सोही अवधिसम्ममा कम्पनीको बीमा शुल्क ३६ करोड ३९ लाख ३४ हजार रुपैयाँ रहेको थियो ।

समिक्षा अवधिमा कम्पनीको खुद दाबी भुक्तानी ५१ दशमलव २३ प्रतिशतले बढेर १३ करोड ७२ लाख १५ हजार रुपैयाँ पुगेको छ । गत आर्थिक बर्षको सोही अवधिमा कम्पनीले ९ करोड ७ लाख ३४ हजार रुपैयाँ खुद दाबी भुक्तानी गरेको थियो ।

हाल कम्पनीको चुक्ता पुँजी १ अर्ब १५ करोड ७५ लाख रुपैयाँ रहेको छ । कम्पनीको जगेडा कोषमा ३० करोड ४२ लाख ४६ हजार रुपैयाँ जम्मा रहेको छ । कम्पनीको बीमा कोषमा ५३ करोड ५ लाख ४३ हजार रुपैयाँ रहेको छ । त्यस्तै, कम्पनीको प्रतिसेयर आम्दानी २० रुपैयाँ ९७ पैसा र कम्पनीको प्रतिसेयर नेटवर्थ १७२ रुपैयाँ ११ पैसा रहेको छ ।