काठमाडौं
साताको अन्तिम कारोबार दिन बिहीबार पनि सेयर बजार घटेको छ । बिहीबार सेयर बजार दोहोरो अंकले घटेको हो । नेपाल स्टक एक्सचेञ्जका अनुसार आज सेयर कारोबार मापक नेप्से परिसूचक ११ दशमलव ९६ अंकले घटेर २८०१ दशमलव ५६ विन्दुमा पुगेको छ ।

 नेप्से ० दशमलव ४३ प्रतिशतले घटेको हो । यस्तै, सेन्सेटिभ परिसूचक १ दशमलव ७० अंकले घटेर ५२७ दशमलव २८ विन्दुमा पुगेको छ । नेप्सेका अनुसार आज दिनभर २२७ वटा कम्पनीको ६९ लाख ५० हजार ८ सय ३८ कित्ता सेयर खरिदबिक्री हुँदा ३ अर्ब ८२ करोड ९५ लाख ३३ हजार ३ सय ५० रूपैयाँ बराबरको कारोबार भएकोे छ ।

आज कारोबार भएका १३ वटा उपसमूहमध्ये ३ वटा उपसमूहको सेयर बढेको छ भने बाँकी १० वटा उपसमूहको सेयर घटेको छ । आज सबैभन्दा धेरै नेपाल टेलिकमको २५ करोड ४८ लाख रूपैयाँ बराबरको सेयर कारोबार भएको छ । त्यस्तै, एभरेष्ट इन्स्योरेन्सको सेयर पनि बढेको छ । आज सबैभन्दा बढी सेयर मूल्य घट्ने कम्पनीमा महालक्ष्मी विकास बैंक लिमिटेड रहेको छ ।