काठमाडौं
सानिमा लाइफ इन्स्योरेन्स कम्पनी लिमिटेडले चालु आर्थिक वर्षको दोस्रो त्रैमाससम्मको वित्तीय विवरण सार्वजनिक गरेको छ । इन्स्योरेन्सले सार्वजनिक गरेको वित्तीय विवरण अनुसार समिक्षा अवधीसम्म  कम्पनीको खुद नाफा ६९ दशमलव ३६ प्रतिशतले बढेर ९ करोड ३९ लाख ७९ हजार रुपैयाँ पुगेको छ । गत वर्षको यही अवधिमा कम्पनीले ५ करोड ५४ लाख ९१ हजार रुपैयाँ खुद नाफा कमाएको थियो ।

पुष मसान्तसम्म कम्पनीको बीमा शुल्क २१ दशमलव ५२ प्रतिशतले बढेर १ अर्ब १६ करोड २१ लाख ७० हजार रुपैयाँ पुगेको छ । गत बर्षको सोही अवधिमा कम्पनीले ९५ करोड ६३ लाख ४३ हजार रुपैयाँ खुद बीमा शुल्क कमाएको थियो ।

समिक्षा अवधिमा कम्पनीको खुद दाबी भुक्तानी १३७ दशमलव ६५ प्रतिशत बढेर १३ करोड ८३ लाख ९५ हजार रुपैयाँ गरेको छ । गत बर्षको सोही अवधिमा कम्पनीले ५ करोड ८२ लाख ३४ हजार रुपैयाँ खुद दाबी भुक्तानी गरेको छ ।

हाल कम्पनीको चुक्ता पुँजी २ अर्ब रुपैयाँ रहेको छ भने जगेडा कोषमा ३३ करोड २३ लाख ४६ हजार रूपैयाँ जम्मा रहेको छ । कम्पनीको जीवन बीमा कोष ७३ दशमलव ५१ प्रतिशतले बढेर २ अर्ब ८२ करोड ९५ लाख ५० हजार रुपैयाँ रहेको छ । महाविपत्ती कोष ८४ दशमलव १५ प्रतिशतले बढेर ३ करोड ४९ लाख ५२ हजार रुपैयाँ रहेको छ ।
यसैगरी, कम्पनीको प्रतिसेयर आम्दानी ९ रुपैयाँ ३९ पैसा रहेको छ भने कम्पनीको प्रतिसेयर नेटवर्थ ११८ रुपैयाँ ३७ पैसा रहेको छ ।