प्यूठान ।  प्यूठानमा भएको जीप दुर्घटनामा घाईते भएका थप दुईजनाको मृत्यु भएको छ । शनिबार बिहान ३ बजेतिर भएको दुर्घटनास्थलमै ६ जनाको मृत्यु भएको थियो । ग १ ज ५०९३ नम्बरको जीप गौमुखी गाउँपालिका–६ ओखरपाटामा दुर्घटना हुँदा आठ जनाको मृत्यु भएको प्रहरीले जानकारी दिएको छ । 

मृत्यु हुनेमा स्थानीय एकै घरका श्रीमान बसन्त खड्का, श्रीमती बसन्ता खड्का, छोरी एलिशा खड्का रहेका छन्। त्यस्तै, सोही ठाउँकी केशरी खड्का, नन्दी खड्का, खिम खत्री, बले बुढा मगर रहेका छन्। राति घटना भएकाले समयमै उद्दार हुन नसकेको स्थानीयले जनाएका छन् ।
दुईजनाको उपचारको क्रममा प्यूठान अस्पतालमा मृत्यु भएको हो। दुर्घटनामा ५ जना घाइते भएका छन्।