काठमाण्डौं
कालिञ्चोक दर्शन लिमिटेडले साधारण सेयर (आईपीओ) निष्कासन गर्ने भएको छ । कम्पनीले आयोजना प्रभावित क्षेत्रसहित सर्वसाधारणहरूका लागि १२ लाख कित्ता साधारण सेयर (आईपीओ) निष्कासन गर्न लागेको हो ।

कम्पनीले साधारण सेयर (आईपीओ) निष्कासन गर्न निष्कासन तथा बिक्री प्रबन्धकमा नबिल इन्भेष्टमेन्ट बैंकिङ्ग लिमिटेड, नक्साल, काठमाडौँलाई नियुक्त गरेको छ ।

सेयर निष्कासन कार्यको लागि कालिञ्चोक दर्शनको तर्फबाट प्रमुख कार्यकारी अधिकृत अशोक सिवाकोटी तथा नबिल इन्भेष्टमेन्टका तर्फबाट प्रमुख कार्यकारी अधिकृत मनिष नारायण जोशीले द्धिपक्षीय सम्झौतापत्रमा हस्ताक्षर गर्नु भएको छ ।