१० असोज, २०७९ सोमबार

05:12:53 AM


https://nepalbusiness.com/
https://nepalbusiness.com/
×

विश्व मुटु दिवसको अवसरमा नर्भिक अस्पतालले भारि छुट दिने

Nepal Business

६ असोज, २०७९

विश्व मुटु दिवसको अवसरमा नर्भिक अस्पतालले भारि छुट दिने

काठमाडौं । विश्व मुटु दिवसको अवसरमा नर्भिक इन्टरनेशनल हस्पिटलले हेल्थ प्याकेजमा भारि छुट दिने भएको छ । अस्पतालले आगामी सेप्टेम्बर २९ तारिखका दिन परेको वल्र्ड हर्ट डे (विश्व मुटु दिवस)को अवसर पारेर हेल्थ प्याकेजको शुल्क खरीद गर्दा ३५ प्रतिशतसम्म छुट दिने भएको हो । 

हेल्थ प्याकेजअन्तर्गत गरिने विभिन्न परीक्षणहरुका लागि तोकिएको शुल्कमा ३५ प्रतिशतसम्म छुट पाइने अस्पतालले जनाएको छ । यस्तो छुट सम्बन्धी व्यवस्था लागू भइसकेको र अबको एक महिनाभित्रमा हेल्थ प्याकेज खरीद गर्नेले पाउन सकिनेछ ।

विश्व मुटु दिवसको अवसर पारेर डिजाइन गरिएको प्याकेजअन्तर्गत सुगर फास्टिङ, आरएफटी, टोटल कोलेस्ट्रोल, इसीजी, यूरिन रुटिन, इको, ईएसआर, सीबीसी लगायतका जाँचहरु गरिनेछ ।

यी जाँचहरु गर्दा लाग्ने साबिकको शुल्कहरुमा ३५ प्रतिशतसम्म छुटको अफरसहित विशेष हेल्थ प्याकेज घोषणा गरिएको हो । यसपटकको विश्व मुटु दिवस यूज हर्ट फर एभ्री हर्टको थिममा विश्वभर मनाइँदैछ ।