६ मंसिर, २०८१ बिहिबार
06:02:59 PM
५ असोज, २०७९
काठमाण्डौं । सेयर बजारमा सुधार आएको छ । साताको चौथो दिन बुधबार सेयर बजारमा दोहोरो अंकको सुधार देखिएको हो ।
नेपाल स्टक एक्सचेञ्ज (नेप्से)का अनुसार आज नेप्से ११.२२ अंकले बढेर एक हजार ८ सय ४८.८२ विन्दुमा बन्द भएको छ । आज नेप्सेमा ७२ करोड १२ लाख रुपैयाँ बराबरको कारोबार भएको छ । साताको कारोबारको सुरुवातदेखि नै निरन्तर गिरावट भइरहेको नेप्से बुधबार भने दोहोरो अंकले बढेको हो ।
आज कारोबार भएका कम्पनीमध्ये १४२ वटा कम्पनीको सेयर मूल्य बढेको छ भने ३८ वटा कम्पनीको सेयरमूल्य घटेको छ । यसमध्ये पनि एक कम्पनीको सेयरमूल्यमा उच्च वृद्धि भएको छ । सामलिङ पावर कम्पनीको सेयरमूल्य १० प्रतिशत भन्दा बढीले बढेको हो ।
नेप्सेका अनुसार वीन नेपाल लघुवित्त वित्तीय संस्था, नबिल ब्यालेन्स फण्ड र राप्ती हाइड्रोको सबैभन्दा बढी गिरावट भएको छ । यसको सेयरमूल्य ३ प्रतिशत भन्दा बढीले घटेको हो ।
त्यस्तै, कारोबारको आधारमा आज सबैभन्दा बढी नबिल बैंकको भएको छ । बैंकको आज ३ करोड ३८ लाख भन्दा बढीको कारोबार भएको छ ।
