काठमाण्डौं । साताको दोस्रो दिन सोमबार सुनको मूल्य बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा चार सय रुपैयाँले बढेको छ । 

छापावाला सुनको मूल्य तोलामा चार सय रुपैयाँले बढेर ९४ हजार रुपैयाँमा कारोबार भइरहेको छ । आइतबार छापावाला सुनको मूल्य तोलाको ९३ हजार छ सय रुपैयाँ थियो । 

तेजाबी सुनको मूल्य पनि तोलामा चार सय रुपैयाँले बढेर ९३ हजार पाँच सय रुपैयाँमा कारोबार भइरहेको छ । आइतबार तेजाबी सुनको मूल्य तोलाको ९३ हजार एक सय रुपैयाँ थियो । 

यस्तै चाँदीको मूल्य तोलामा पाँच रुपैयाँले बढेर ११ सय ६५ रुपैयाँमा कारोबार भइरहेको छ ।