काठमाण्डौं । चालु आर्थिक वर्षको पहिलो दिन आइतबार सुनको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा दुई सय रुपैयाँले घटेको छ । 

छापावाला सुनको मूल्य तोलामा दुई सय रुपैयाँले घटेर ९३ हजार छ सय रुपैयाँमा कारोबार भइरहेको महासंघले जनाएको छ । 

तेजाबी सुनको मूल्य पनि तोलामा दुई सय रुपैयाँले घटेर ९३ हजार एक सय रुपैयाँमा कारोबार भइरहेको छ । 

यस्तै चाँदीको मूल्य भने बढेको छ । चाँदीको मूल्य तोलामा १५ रुपैयाँले बढेर ११ सय ६० रुपैयाँमा कारोबार भइरहेको छ ।