काठमाण्डौं । साताको पहिलो दिन सुनको भाउ बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा तीन सय रुपैयाँले बढेको छ । 

छापावाला सुनको मूल्य तोलामा तीन सय रुपैयाँले बढेर तोलामा ९७ हजार पाँच सय रुपैयाँमा कारोबार भइरहेको छ । गएको साताको शुक्रबार छापावाला सुनको मूल्य तोलाको ९७ हजार दुई सय रुपैयाँ थियो । 

तेजाबी सुनको मूल्य पनि तोलामा तीन सय रुपैयाँले बढेर ९७ हजार रुपैयाँमा कारोबार भइरहेको छ । 

यस्तै चाँदीको मूल्य घटेको छ । चाँदीको मूल्य तोलामा १० रुपैयाँले घटेर तोलामा १२ सय रुपैयाँमा कारोबार भइरहेको छ ।