काठमाडौं
नेपाल चीन उद्योग वाणिज्य संघले नवनियुक्त राजदूत विष्णु पुकार श्रेष्ठसँग भेटघाट गरी उत्तरी नाकाको समस्या समाधानमा पहल गर्न आग्रह गरेको छ । 

संघका पदाधिकारीहरुले नेपाल र चीनबीचको दुईतर्फी आर्थिक तथा व्यापार सम्बन्ध र आर्थिक क्रियाकलाप प्रवर्द्धनका पहल गर्न पनि अनुरोध गरेको छ । 

संघका पदाधिकारीहरुले नेपाल र चीनबीचको दुईतर्फी आर्थिक तथा व्यापार सम्बन्ध र आर्थिक क्रियाकलाप प्रवर्द्धनका पहल गर्न पनि अनुरोध गरेको छ । 

कोभिडका कारण प्रभावित दुई पक्षीय आर्थिक, व्यापार, पर्यटन तथा लगानी क्षेत्रलाई पुनर्जिवितलक्षित कार्यक्रमको प्रवर्द्धन गर्न आवश्यक रहेको संघका अध्यक्ष त्रिभुवनधर तुलाधरले बताउनुभयो ।

उहाँले दुई मुलुकबीच हुने व्यापार व्यवसाय सुचारु तथा वृद्धिका लागि तातोपानी र केरुङ नाकामा रहेको समस्या, हवाई सेवा विस्तार लगायतका जोड दिन पनि आग्रह गर्नुभएको छ । 

दुईतर्फी व्यापार व्यवसाय प्रवर्द्धनलक्षित योजनाका लागि चिनियाँ पक्षसँग छलफल आवश्यक रहेको बताइएको छ ।