काठमाण्डौं । सुनको मूल्य बिहीबार बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा पाँच सय रुपैयाँले बढेको छ । 

छापावाला सुनको मूल्य तोलामा पाँच सय रुपैयाँले बढेर ९८ हजार रुपैयाँमा कारोबार भइरहेको छ । बुधबार छापावाला सुनको मूल्य तोलाको ९७ हजार पाँच सय रुपैयाँ थियो । 

तेजाबी सुनको मूल्य पनि तोलामा पाँच सय रुपैयाँले बढेर ९७ हजार पाँच सय रुपैयाँमा कारोबार भइरहेको छ । बुधबार तेजाबी सुनको मूल्य तोलाको ९७ हजार रुपैयाँ थियो । 

यस्तै चाँदीको मूल्य स्थिर रहि १२ सय ८० रुपैयाँमा कारोबार भइरहेको छ।