काठमाण्डौं । सुनको मूल्य घटबढ हुने क्रम जारी छ । सुनको मूल्य मंगलबार घटेको छ । 

नेपाल सुनचाँदी व्यवसायी महासंघका अनुसार सुनको मूल्य तोलामा छ सय रुपैयाँले घटेको हो ।  

छापावाला सुनको मूल्य तोलामा छ सय रुपैयाँले घटेर ९७ हजार पाँच सय रुपैयाँमा कारोबार भइरहेको छ । सोमबार छापावाला सुनको मूल्य तोलामा ९८ हजार एक सय रुपैयाँ थियो । 

तेजाबी सुनको मूल्य पनि तोलामा छ सय रुपैयाँले घटेर ९७ हजार रुपैयाँमा कारोबार भइरहेको छ । सोमबार तेजाबी सुनको मूल्य तोलाको ९७ हजार छ सय रुपैयाँ थियो । 

यस्तै चाँदीको मूल्य तोलामा १५ रुपैयाँले घटेर १२ सय ७५ रुपैयाँमा कारोबार भइरहेको छ।