काठमाण्डौं । साताको तेस्रो दिन मंगलबार सुनको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा दुई सय रुपैयाँले घटेको छ । 

छापावाला सुनको मूल्य तोलामा दुई सय रुपैयाँले घटेर ९८ हजार रुपैयाँमा कारोबार भइरहेको छ । सोमबार छापावाला सुनको मूल्य तोलाको ९८ हजार दुई सय रुपैयाँ थियो । 

तेजाबी सुनको मूल्य पनि तोलामा दुई सय रुपैयाँले घटेर ९७ हजार पाँच सय रुपैयाँमा कारोबार भइरहेको छ । सोमबार तेजाबी सुनको मूल्य तोलाको ९७ हजार सात सय रुपैयाँ थियो । 

यस्तै चाँदीको मूल्य तोलामा १५ रुपैयाँले घटेर १२ सय ७० रुपैयाँमा कारोबार भइरहेको छ।