काठमाण्डौं । सुनको मूल्य सोमबार बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा दुई सय रुपैयाँले बढेको छ । 

छापावाला सुनको मूल्य तोलामा दुई सय रुपैयाँले बढेर ९८ हजार दुई सय रुपैयाँमा कारोबार भइरहेको छ । आइतबार सुनको मूल्य स्थिर रहि ९८ हजार रुपैयाँमा कारोबार भएको थियो । 

तेजाबी सुनको मूल्य पनि तोलामा दुई सय रुपैयाँले बढेर ९७ हजार सात सय रुपैयाँमा कारोबार भइरहेको छ । आइतबार तेजाबी सुनको मूल्य ९७ हजार पाँच सय रुपैयाँ थियो । 

यस्तै चाँदीको मूल्य तोलामा पाँच रुपैयाँले बढेर १२ सय ८५ रुपैयाँमा कारोबार भइरहेको छ ।