काठमाण्डौं । नेपाली बजारमा उपलब्ध प्रसिद्ध चिनियाँ इलेक्ट्रिक स्कुटर लेभ्निङले नयाँ योजना ल्याएको छ । लेभ्निङका कुनै पनि सोरुम भिजिट गर्दा लक्की ड्रमार्फत २ वटा सलमान खान शोको टिकट पाउन सकिने कम्पनीले जानकारी दिएको हो । 

लेभ्निङलको सोरुम भ्रमण गर्दा सलमान खान शोको टिकट पाउन सकिने कम्पनीले जनाएको छ । बम्परमा उपहारमा एक जनाले सो इलेक्ट्रिक स्कुटर पाउने छन् ।

सोरुममा गएर ग्राहकले स्कुटर टेस्ट राइड गर्नुका साथै एउटा फारम भर्नु पर्नेछ । आगामी मे २८ अर्थात जेठ १४ गते दशरथ रंगशालामा आयोजना हुने ‘टुबोर्ग द–बङ द टुर – रिलोडेड’ नामक सलमान खान शोलाई लक्ष्यित गरी यो स्किम ल्याएको कम्पनीले जनाएको छ । 

नेपाली बजारमा लेभ्निङका विभिन्न मोडलका इलेक्ट्रिक स्कुटर उपलब्ध छन् । बज्र गु्रपले  नेपाली बजारमा ३० वर्षभन्दा लामो समय देखि सेवा प्रदान गर्दै आएको छ । 

लेभ्निङ इलेक्ट्रिक स्कुटर बिक्री–वितरणका लागि यसका देशभर ५ सय भन्दा बढी दक्ष कर्मचारीहरुको समूह छ । १० भन्दा बढी डिलर र ७ भन्दा बढी सर्भिस प्वाइन्टमार्फत यसले सेवा प्रदान गरिरहेको छ ।