काठमाडौं । माछापुच्छ्रे बैंक लिमिटेडले संस्थापक सेयर बिक्रीमा ल्याएको छ । बैंकले १२ हजार कित्ता संस्थापक सेयर बिक्रीमा ल्याएको हो ।

यसअघि बैंकले उक्त संस्थापक सेयर  विद्यमान संस्थापक सेयरधनीहरुलाई खरिदका लागि आग्रह गरेको थियो । तर विद्यमान संस्थापक सेयरधनीहरुबाट सेयर खरिदका लागि कुनै पनि आवेदन नपरेकाले उक्त सेयर सर्वसाधारयाहरुमा बिक्री गर्न लागिएको बैंकले जनाएको छ ।

बैंकले एक सुचना प्रकाशन गर्दै उक्त संस्थापक सेयर खरिद गर्न इच्छुक व्यक्ति वा संस्थाले सूचना प्रकाशन भएको मितिले ७ दिनभित्र आवश्यक कागजपत्र संकलन गरी कति कित्ता सेयर खरिद गर्ने हो सोको व्यहोरा खुलाई बैंकको केन्द्रीय कार्यालय, पुतलीसडक, काठमाडौंमा  निवेदन दिन  अनुरोध गरेको छ ।