काठमाण्डौं । सुनको मूल्य बिहीबार बढेको छ । नेपाल सुनचाँदी व्यवसायी महासंघका अनुसार सुनको मूल्य तोलामा पाँच सय रुपैयाँले बढेको छ । 

छापावाला सुनको मूल्य तोलामा पाँच सय रुपैयाँले बढेर ९६ हजार तीन सय रुपैयाँमा कारोबार भइरहेको छ । बुधबार छापावाला सुनको मूल्य तोलाको ९५ हजार आठ सय रुपैयाँ थियो । 

तेजाबी सुनको मूल्य तोलामा पाँच सय रुपैयाँले बढेर ९५ हजार आठ सय रुपैयाँ कायम भएको छ । बुधबार तेजाबी सुनको मूल्य तोलाको ९५ हजार तीन सय रुपैयाँ थियो । 

यस्तै चाँदीको मूल्य तोलामा पाँच रुपैयाँले बढेर १२ सय ५५ रुपैयाँमा कारोबार भइरहेको छ ।