काठमाण्डौं । चालु आर्थिक वर्षको १० महिनामा स्वदेशी लगानीका लागि २४७ स्वदेशी उद्योग दर्ता भएका छन् ।

उद्योग विभागको तथ्याङक अनुसार २४७ स्वदेशी उद्योगका लागि २ खर्ब ९७ अर्ब रुपैयाँ लगानी स्वीकृत भएको हो । 

यस अवधिमा विभिन्न क्षेत्रका साना, मझौला र ठूला गरी उद्योग दर्ताका लागि उक्त बराबरको रकम स्वीकृत भएको विभागले जनाएको छ ।

विभागका अनुसार लगानी स्वीकृत भएका उद्योगहरुमा ठूला उद्योग ७१ वटा मझौला उद्योग ८६ वटा र साना उद्योगहरु ९० वटा रहेका छन् ।

यस अवधिमा लगानी स्वीकृत भएका उक्त उद्योगहरुमा २३ हजार २७९ जनालाई रोजगारीको प्रस्ताव गरिएको छ ।