काठमाण्डौं । साताको तेस्रो दिन मंगलबार सुनको मूल्य घटेको छ । नेपाल सुनचाँदी व्यवसायी महासंघका अनुसार सुनको मूल्य तोलामा सात सय रुपैयाँले घटेको छ । 

छापावाला सुनको मूल्य तोलामा सात सय रुपैयाँले घटेर ९८ हजार रुपैयाँमा कारोबार भइरहेको छ । सोमबार छापावाला सुनको मूल्य तोलाको ९८ हजार सात सय रुपैयाँ थियो । 

तेजाबी सुनको मूल्य पनि तोलामा सात सय रुपैयाँले घटेर ९७ हजार पाँच सय रुपैयाँमा कारोबार भइरहेको छ । सोमबार तेजाबी सुनको मूल्य तोलाको ९८ हजार दुई सय रुपैयाँ थियो । 

यस्तै चाँदीको मूल्य तोलामा १० रुपैयाँले घटेर १२ सय ७५ रुपैयाँमा कारोबार भइरहेको छ ।