६ मंसिर, २०८१ बिहिबार
11:03:16 PM
२२ बैशाख, २०७९
विसं २०५३ वैशाख २२ गते स्थापना भएको एशोसिएशनले विसं २०७२ मा सेफ्स एशोसिएशन फाउण्डेशन दर्ता गरी होटल तालिम प्रदान गर्दै आइरहेको छ ।
काठमाण्डौं । मुलुकका सातै प्रदेशमा नेपाली परम्परागत मौलिक खानालाई प्रवद्र्धन गर्नुपर्ने आवश्यकता औँल्याइएको छ । सेफ्स एशोसिएशन अफ नेपालको २८औँ वार्षिकोत्सव एवं राष्ट्रिय सेफ दिवसका अवसरमा विहिबार आयोजित कार्यक्रममा एशोसिएशनका अध्यक्ष श्याम लामाले सातै प्रदेशमा यो कार्यक्रम गर्नुपर्नेमा जोड दिनुभएको हो ।
उहाँले नेपाली खानालाई अन्तर्राष्ट्रियस्तरसम्म फैलाउन साना होटलदेखि तारे होटलसम्म नेपाली खानाको मेनु राख्नुपर्ने बताउनुभयो । नेपाली खानालाई विश्वमाझ फैलाउने काम नेपाली सेफकै हो, यसका लागि होटल व्यवसायी र सेफ एकजुट भएर अगाडि बढ्नुपर्छ, अध्यक्ष लामाले भन्नुभयो । नेपाली आन्तरिक हवाइ उडानमा समेत नेपाली खानाको प्रवद्र्धन गर्नुपर्ने उहाँको सुझाव थियो ।
आलीबाट थालीसम्मका अभियान्ता लक्ष्मणप्रसाद भण्डारीले १२७ प्रकारका खानालाई व्यावसायीकरण गर्नसके मुलुकमा खानामार्फत पर्यटन प्रवद्र्धन गर्न सकिन्छ भन्नुभयोे ।
होटल एशोसिएशन अफ नेपाल (हान)का प्रथम उपाध्यक्ष विनायक शाहले नेपाली परम्परागत एवं मौलिक खानामार्फत पर्यटन प्रवद्र्धनमा लाग्नका लागि नेपाली सेफहरूको महत्वपूर्ण भूमिका रहेको बताउनुभयो ।
उहाँले नेपाली खानालाई देश–विदेशमा प्रवद्र्धन गर्नका लागि हान एशोसिएशनसँग सहकार्य गरेर अगाडि बढ्न चाहेको बताउनुभयो ।
आलीबाट थालीसम्मका अभियान्ता लक्ष्मणप्रसाद भण्डारीले १२७ प्रकारका खानालाई व्यावसायीकरण गर्नसके मुलुकमा खानामार्फत पर्यटन प्रवद्र्धन गर्न सकिन्छ भन्नुभयोे ।
विसं २०५३ वैशाख २२ गते स्थापना भएको एशोसिएशनले विसं २०७२ मा सेफ्स एशोसिएशन फाउण्डेशन दर्ता गरी होटल तालिम प्रदान गर्दै आइरहेको छ । उक्त फाउण्डेशनका कार्यकारी निर्देशक रेशम लामाले हालसम्म ५ सय भन्दा बढी विद्यार्थीलाई होटल तालिम प्रदान गरिसकिएको बताउनुभयो ।
एशोसिएशनले होटल म्यानेजमेन्ट पढेका विद्यार्थीलाई ‘फुड सेफ्टी’ र कार्यक्षेत्रको सुरक्षासम्बन्धी अल्पकालीन तालिमसमेत प्रदान गर्दै आएको छ ।
एशोसिएशनका पूर्वअध्यक्ष रत्नबहादुर थापा, गोविन्दनरसिंह केसी, श्रीराम अधिकारी, खड्गविक्रम लामालगायतले सीकेको सीपलाई हस्तान्तरण गर्दै नेपाली होटलमा नेपाली सेफ नै प्रयोग गर्ने वातावरण निर्माणमा एशोसिशसन लाग्नुपर्नेमा जोड दिनुभयो ।
एशोसिएशनको तथ्याङ्कानुसार हाल नेपालका होटलमा ६० प्रतिशत नेपाली र ४० प्रतिशत विदेशी सेफ कार्यरत छन् ।
कार्यक्रममा सन् २०१५ मा चीनमा सम्पन्न चाइनिज कुजिङ वल्र्ड च्याम्पियन विजेता सेफ रेशमकुमार लामा तामाङ, पदम आलेमगर, कृष्णकाजी बस्नेत र सुवर्णमान कर्माचार्यलाई सम्मान गरिएको थियो ।
यस्तै सेफ पेशामा २५ वर्ष पूरा गरेका वरिष्ठ सेफ र एशोसिएशनका पूर्वअध्यक्षलाई समेत सोही अवसरमा सम्मान गरिएको थियो । रासस
