१२ मंसिर, २०८१ बुधबार
08:42:43 AM
२२ बैशाख, २०७९
टीका पराको घरमा कोही नभएको समयमा आगलागी भएको
फुङ्लिङ। ताप्लेजुङको सिरिजङ्गा गाउँपालिका–५ मा गए राति एक घरमा आगलागी हुँदा १६ लाख बराबरको क्षति भएको छ ।
स्थानीयवासी टीका पराको घरमा कोही नभएको समयमा आगलागी भएको जिल्ला प्रहरी कार्यालयले जनाएको छ ।
अग्निपीडित पराले आगलागीबाट घरमा रहेका कागजात, सरसामन तथा दुईवटा बङ्गुर जलेर नष्ट भएको बताउनुभयो ।
स्वास्थ्य चौकीका इन्चार्ज ललिता पौडेल र अहेव चित्र कला सो घरमा कोठभाडामा बस्नुभएको थियो ।
उहाँहरूको पनि केही सरसमान निकाल्न नसकेको बताइएको छ ।
रासस
