काठमाण्डौं । लगातार सुनको मूल्य ओरालो लागिरहेको छ । मंगलबार सुनको मूल्य तोलामा एक हजार रुपैयाँले घटेको छ । 

नेपाल सुनचाँदी व्यवसायी महासंघका अनुसार छापावाला सुनको मूल्य तोलामा एक हजार रुपैयाँले घटेर ९७ हजार दुई सय रुपैयाँमा कारोबार भइरहेको छ । सोमबार छापावाला सुनको मूल्य तोलाको ९८ हजार दुई सय रुपैयाँ थियो । 

तेजाबी सुनको मूल्य पनि तोलामा एक हजार रुपैयाँले घटेर ९६ हजार सात सय रुपैयाँमा कारोबार भइरहेको छ । सोमबार तेजाबी सुनको मूल्य तोलाको ९७ हजार सात सय रुपैयाँमा थियो । 

यस्तै चाँदीको मूल्यस्थिर रहि १२ सय ९० रुपैयाँमा कारोबार भइरहेको छ ।