काठमाण्डौं । निजामती कर्मचारीका सन्ततिलाई छात्रवृत्ति प्रदान गर्न आवेदन आह्वान गरिएको छ ।

गत २६ फागुनमा स्वीकृत गरेको निजामती कर्मचारीका सन्ततिलाई शैक्षिक प्रोत्साहन वृत्ति उपलब्ध गराउने निर्देशिका, २०७८ का लागी  सरकारले चालु आवमा साढे १४ करोड बजेट विनियोजन गरेको छ ।

निजामती कर्मचारी (संघिय, प्रदेश र स्थानीय तह),नेपाली सेना, नेपाल प्रहरी, सशस्त्र प्रहरी तथा तीन तहकै सरकारका सार्वजनिक पदमा स्थायी नियुक्ति भएकाहरूका सन्ततिले उच्च शिक्षा अध्ययनका लागि छात्रवृत्ति पाउनेछन । 

संघीय मामिला तथा सामान्य प्रशासन मन्त्रायले सोमबार सार्वजनिक सूचना जारी गरेर १५ दिनभित्र शैक्षिक प्रोत्साहन वृत्ति व्यवस्थापन समितिको सचिवालयमा आवेदन दिन भनेको छ ।

प्लस टूमा कम्तिमा सी प्लस वा जिपिए २.४ ल्याएका, स्वदेशी विश्वविद्यालय वा आंगिक, सम्बन्धन प्राप्त स्वदेशी शिक्षण संस्थामा भर्ना भएर स्नातक वा सो सरह तहको प्रथम वर्ष वा पहिलो वा दोस्रो सेमेस्टरमा भर्ना भइ अध्ययन गरिरहेका र उमेर २५ वर्ष ननाघेकाले दरखास्त दिन पाउनेछन् ।

गत २६ फागुनमा स्वीकृत गरेको निजामती कर्मचारीका सन्ततिलाई शैक्षिक प्रोत्साहन वृत्ति उपलब्ध गराउने निर्देशिका, २०७८ का लागी  सरकारले चालु आवमा साढे १४ करोड बजेट विनियोजन गरेको छ ।

कूल लाग्ने शिक्षण शुल्कको आधारमा तय गरिएको छात्रवृतिको रकम यसप्रकार रहेको छः  २० लाखभन्दा बढी शिक्षण शुल्क लाग्ने भए ५ लाख, १५ देखि २० लाखसम्म शिक्षण शुल्क लाग्ने भए ४ लाख, १० भन्दाबढी १५ लाखसम्म शिक्षण शुल्क लाग्ने भए ३ लाख,५ भन्दाबढी १० लाखसम्म शुल्क लाग्ने भए २ लाख, १ लाखभन्दा बढी ५ लाखसम्म लाग्ने भए १  लाख, १ लाख रुपैयाँभन्दा कम लाग्ने भए शतप्रतिशत छात्रवृत्ति प्रदान गरिने संघीय मामिला तथा सामान्य प्रशासन मन्त्रालले जनाएको छ