काठमाडौँ,
निर्वाचन आयोगले नेपाल विद्युत् प्राधिकरणका कार्यकारी निर्देशक कुलमान घिसिङसँग स्पष्टीकरण मागेको छ । 

बिहीबारको बैठकले निर्णय गरी पत्र पठाएरै स्पष्टिकरण माग गरिएको जनाइएको छ । आयोगले सातदिनभित्र चित्तबुझ्दो जवाफको समेत माग गरेको छ। 

बिहीबारको बैठकले निर्णय गरी पत्र पठाएरै स्पष्टिकरण माग गरिएको जनाइएको छ । आयोगले सातदिनभित्र चित्तबुझ्दो जवाफको समेत माग गरेको छ। 

नेकपा (माओवादी केन्द्र)ले घिसिङको तस्बिर निर्वाचन प्रचार सामग्रीमा प्रयोग विषयमा आयोगले उहाँसँग स्पष्टीकरण सोधेको हो । 
माओवादीको चुनावी पोष्टरमा फोटो राखी प्रचारप्रसार गरेको भनी सामाजिक सञ्जालमा प्रचार भएको थियो । 

'तपाईंको समेत फोटो राखी नेपाल कम्युनिष्ट पार्टी (माओवादी केन्द्र)को चुनावी पोष्टर सार्वजनिक भएकोमा त्यसमा तपाईंको सहमति रहेको हो होइन ? उक्त पोष्टरमा तपाईंको फोटो राखिएको विषयमा तपाईंको सहमति रहेको होइन भने सो विषयमा तपाईंले हालसम्म सार्वजनिकरुपमा किन आपत्ति जनाउनु भएको छैन वा उजुर गर्नुभएको छैन ?' भनेर प्रश्न गरिएको छ ।