काठमाण्डौं । फोन पेको चिफ बिजनेस अफिसरमा सुमित दास नियुक्त हुनुभएको छ । उहाँ यसअघि कोकाकोलामा आबद्ध हुनुहुन्थ्यो ।

उहाँले कोकाकोलामा १२ वर्षभन्दा बढि एरिया सेल्स् म्यानेजर, कोल्ड ड्रिंस् इक्विपमेन्ट म्यानेजर, रिजनल सेल्स् म्यानेजर, ट्रेड मार्केटिङ हेडलगायतको भूमिकामा रहनुभएको थियो । 

फोन पेमा दास बिजनेस डेभलपमेन्टका साथै मर्चेन्ट एक्टिभेसन लगायत बजार प्रवर्द्नको काममा सक्रिय हुने कम्पनीले जानकारी दिएको हो । 
फोन पेमा हाल करिब ६ लाख मर्चेन्ट रहेको कम्पनीले जनाएको छ। 

बैंक तथा वित्तीय संस्था, भुक्तानी सेवा प्रदायकका डेढ करोड बढी मोबाइल बैंकिङ प्रयोगकर्ताले फोन पेमार्फत कारोबार गर्दै आएका छन् ।

फोनपे नेटवर्कमा हाल ६० वटा बैंक तथा वित्तीय संस्था तथा भुक्तानी प्रणाली संचालक आबद्ध रहेको कम्पनीले जनाएको छ।