काठमाण्डौं– चन्द्रागिरि हिल्स रिसोर्टको महाप्रबन्धकमा सन्जीव थापा नियुक्त हुनुभएको छ । यसअघि महाप्रबन्धकको जिम्मेवारी सम्हाल्नु भएका अभिषेकविक्रम शाहले राजीनामा दिएपछि थापा नियुक्त गरिएको हो । 

शाहको राजीनामा स्वीकृत गरेसँगै आउँदो वैशाख १ गतेदेखि लागू हुने गरी थापालाई नियुक्त गर्ने निर्णय गरेको चन्द्रागिरि हिल्स् लिमिटेडले जानकारी दिएको हो । 

चन्द्रागिरि हिल्स रिसोर्टको महाप्रबन्धकको रुपमा अभिषेकविक्रम शाहले सात वर्ष काम गर्नुभयो । नवनियुक्त महाप्रबन्धक थापा लामो समयदेखि हस्पिटालिटी क्षेत्रमा आबद्ध हुनुहुन्थ्यो ।

उहाँले केजीएच समूह अन्तर्गत सञ्चालित पार्क भिलेज रिसोर्ट र हायत रिजेन्सीमा चिफ अपरेटिङ अफिसरको रुपमा काम गर्नुभएको थियो ।