काठमाण्डौं । टोस्टमास्टर्स नेपालको चौँथो वार्षिक डिभिजन सम्मेलन हुने भएको छ । सो सम्मेलन यहि चैत्र २६ गते शनिबार काठमाण्डौंस्थित ठमेलको अलफ्टमा आयोजना हुने भएको हो । 

आयोजकका अनुसार बिहान ८ बजेदेखि बेलुकी ५ः३० बजेसम्म हुने उक्त सम्मेलनमा नेपालभरका कर्पोरेट, व्यवसायीक संगठन र अन्य समुदायका करिव ४५० सदस्यहरु उपस्थित हुनेछन् ।

यो कार्यक्रमको मुख्य आकर्षण ‘ह्युमरस स्पीच’ प्रस्तुति रहेको छ जसमा विभिन्न ३ डिभिजनका प्रतिनिधिहरुले ह्युमरस स्पीच’ कसरी दिने भन्ने विषयमा प्रस्तुति दिनेछन् ।

डिस्ट्रिक्ट ४१ का डिस्ट्रिक्ट डिरेक्टर डीटीएम रञ्जित आचार्यले भन्नुभयो, ‘नेपालले डिस्ट्रिक्ट ४१ टोस्ट्मास्टर्स पहिलो चोटि आयोजना गर्दैछ र साइटेसन २०२२ को उत्तर र पूर्वी भारत तथा बंगलादेश जस्ता सदस्य राष्ट्रहरुले उत्साहको साथ प्रतीक्षा गरिरहेका छन् । यो सम्मेलनले सम्पूर्ण नेपाली टोस्टमास्टर्सहरुलाई एकताबद्ध गर्नेछ ।’

रेक वर्ष एक जना गैर टोस्टमास्टरलाई संचार र नेतृत्व क्षमताको लागि ‘दि कम्युनिकेटर अवार्ड’ प्रदान गरिन्छ । २०१९ मा भएको साइटेसन सम्मेलनमा रेडियो नेपालका रेडियोकर्मी कृष्णा ताम्राकारलाई उक्त अवार्ड प्रदान गरिएको थियो । 

डिस्ट्रिक्ट ४१ को क्लब ग्रोथ डिरेक्टर डीटीएम सुमन शाक्यले भन्नुभयो, ‘साइटेसन २०२२ टोस्टमास्टर्स काठमाडौँका सदस्यहरूका लागि मात्र नभएर पोखरा, चितवन, वीरगन्ज, बुटवल, भैरहवा, धरान र झापाका टोस्टमास्टरहरूको लागि पनि सिक्ने, सञ्जाल विस्तार गर्ने र आफ्नो व्यक्तित्व विकास गर्ने सुनौलो अवसर हुनेछ ।’

कार्यक्रममा टोस्टमास्टर्स सदस्यहरुले आफ्नो गायन तथा सांस्कृतिक प्रतिभा प्रदर्शन गर्नेछन्।

सन् १९९१ मा काठमाडौं टोस्टमास्टर्स क्लबाट सुरुवात भएको टोस्टमास्टर्समा सन् २०१७ सम्म पहिलो कर्पोरेट क्लब–लक्ष्मी बैंक टोस्टमास्टर्स क्लब लगायत ८ वटा क्लब मात्र थियो । त्यसपश्चात डिस्ट्रिक्ट ४१ को हिस्सा भएकाले विगतका केहि वर्ष यता क्लबहरु विस्तारको क्रम बढ्ढो रहेको छ ।

बैंक, शैक्षिक संस्था, पर्यटन उद्यमी, चाटर्ड एकाउन्टेन्ट, शिक्षक, महिला, उद्यमी र अन्य कार्यरत व्यवसायी गरेरहाल ५२ वटा क्लब र १३०० भन्दा बढि सदस्यहरु रहेका छन् ।