काठमाडौं । माछापुछ्रे बैंकले थप नयाँ शाखा संचालनामा आएको छ । बैंकले बिहीबार धनगढी उपमहानगरपालिका वडा नम्बर १३ राजपुरमा नयाँ शाखा स्थापना गरेको हो ।

उक्त शाखाको धनगढी उपमहानगरपालिकाका मेयर नृपबहादुर वडले उद्घाटन गर्नुभएको छ । योसँगै कैलालीमा बैंकको शाखा कार्यालयको संख्या ४ पुगेको छ । नयाँ शाखा कार्यालयमार्फत् कर्जा, निक्षेप लगायतका अन्य सम्पूर्ण बैंकिङ्ग सुविधा उपलब्ध हुने बैंकले जनाएको छ ।

हाल देशभर बैंकले १६४ शाखा, ८ एक्सटेन्सन काउन्टर, १५७ शाखारहित बैंकिङ्ग सेवा, २०३ एटिएमबाट सेवा दिदैं आएको छ ।