काठमाडौं
नेपाल टेलिकमले फागु पर्वको अवसरमा होली अफर सार्वजनिक गरेको छ । देशभर मनाइने फागु पर्वको अवसरमा टेलिकमले अनलिमिटेड डाटासहितको फागु अफर उपलब्ध गराएको हो । टेलिकमले उपलब्ध गराएको उक्त अफर चैत ३ गतेदेखि चैत १७ गतेसम्म सो सुविधा प्रयोग गर्न सकिने कम्पनीले जनाएको छ ।

यो अफर अन्तर्गत रु. ६९ मा एक एमबिपिएस अनलिमिटेड डाटा २४ घण्टा, रु. ९८ मा ६ जीबी डाटा ३ दिन र रु. २९४ मा २० जीबी डाटा १० दिनका लागि उपलब्ध हुनेछ ।  *१४१५*११#  डायल गरी वा ‘नेपाल टेलिकम एप’ प्रयोग गरी कम्पनीले उपलब्ध गराएको सो सुविधा खरिद गर्न सकिने छ । फागु पूर्णिमा र चैते दशैंलाई समेत दृष्टिगत गरी ल्याइएको यस अफरको अवधि १५ दिनसम्म कायम रहने टेलिकमले जनाएको छ ।