नेपाल विजनेश समाचारदाता,
काठमाडौँ,
सङ्घीय राजधानी, त्यसमाथि उच्च सुरक्षा सतर्कता भएको ठाउँ हो काठमाडौँ उपत्यका । यही ठाउँमा मोटरसाइकल चोरीका घटना दैनिकजसो भइरहेको छ ।

यसरी चोरिएका मोटरसाइकमध्ये प्रहरीले न्युन मात्रै बरामद गर्न सफल भएको छ । चोरीमा संलग्न व्यक्ति पक्राउ पर्ने अनुपात भने अझै कम छ । 

यसरी चोरिएका मोटरसाइकमध्ये प्रहरीले न्युन मात्रै बरामद गर्न सफल भएको छ । चोरीमा संलग्न व्यक्ति पक्राउ पर्ने अनुपात भने अझै कम छ । 

महानगरीय ट्राफिक प्रहरी महाशाखाको विवरणअनुसार पछिल्लो दुई महिनामा मात्रै उपत्यकाबाट २५६ मोटरसाइकल हराएको छ । त्यसमध्ये जम्मा ८८ वटा मोटरसाइकल मात्रै फेला पारी धनीलाई जिम्मा लगाइएको महाशाखाका प्रमुख प्रहरी वरिष्ठ उपरक्षिक उमेशराज जोशी बताउनुहुन्छ । 

सोही क्रममा आज सोमबार महाशाखाले यसरी फेला परेका स्कुटरसहित २१ मोटरसाइकल सम्बन्धित धनीलाई बुझाएको छ । यो करिब एक महिना अवधिमा खोज तथा अनुसन्धानका क्रममा बरामद मोटरसाइकल हो ।

हमाशाखा प्रमुख जोशी भन्नुहुन्छ, ‘सवारी साधनमा डिस्क लक, ह्विल लक, सेक्युरिटी साइरन प्रयोग गर्नुपर्छ’, प्रविधि जडान गरेको छ भने चोरी गर्न समय लाग्ने हुँदा पक्राउ पर्ने सम्भावना बढी हुन्छ । 

सवारी साधन हराएको थाहा पाउनासाथ ट्राफिक प्रहरीको हटलाइन नम्बर ‘१०३’ मा फोन गर्न वा ‘लस्ट भेहिकल एप्लिकेशन’मा लगइन गरेर अनलाइनमार्फत निवेदन दिन ट्राफिक महाशाखाले सार्वजनिक अनुरोध गरेको छ ।

किन चोरिन्छ मोटरसाइकल ?

मान्छेले लाखौँ रुपियाँ खर्च गरेर मोटरसाइकल किन्छन् । त्यसको सुरक्षाका विषयमा त्यत्ति नै संवेदनशील बन्न पनि जरुरी छ । प्रहरीका अनुसार  कतिपय अबस्थामा बाइकधनी कै लापरबाही पनि देखिन्छ ।

ट्राफिक प्रहरीका अनुसार सवारी चालकको लापरबाही, सवारीमा लकको व्यवस्था नगर्नु, सुनसान क्षेत्रमा पार्किङ गर्नु, सवारीसाधनको डिस्क तथा ह्विल लक नगर्नु, सिसिटिभी क्यामेरा नहुनुलगायतका कारण मोटरसाइकल चोरी बढेको हो ।

महाशाखाले पछिल्लो समयमा नयाँ रणनीति तथा कार्यनीति अबलम्बन गरेर चोरी घटनालाई न्युनिकरण एवं नियन्त्रण गर्ने अभियान चलाएको जनाएको छ ।