काठमाडौं
कृषि विकास बैंकले आफ्ना सेयरधनीको डिम्याट खातामा बोनस सेयर जम्मा गरेको छ । बैंकले गत आर्थिक वर्षका लागि वितरण गरेको बोनस सेयर सेयरधनीको डिम्याट खातामा जम्मा गरेको हो । गत पुस २९ गते सम्पन्न बैंकको १५ औँ वार्षिक साधारणसभाले गत आर्थिक वर्षको नाफाबाट २० प्रतिशत बोनस सेयर र कर प्रयोजनार्थ १.०५प्रतिशत नगद लाभांश वितरण गर्ने प्रस्ताव पारित गरेको थियो ।

साधारणसभाबाट पारित भएको उक्त २० प्रतिशत बोनस सेयर गत पुस १९ गतेसम्म सेयर औभौतिकीकरण गराएका सेयरधनीहरुको सम्बन्धित डिम्याट खातामा जम्मा गरिएको छ ।  गत पुस १५ गतेसम्म सेयर अभौतिकीकरण गराएका सेयरधनीहरुको बोनस सेयर सम्बन्धित डिम्याट  खातामा जम्मा गरिएको र उक्त मिति पश्चात् सेयर अभौतिकीकरण गराएका सेयरधनीहरुको डिम्याट खातामा क्रमशः उक्त बोनस सेयर जम्मा हुने बैंकले जनाएको छ  ।

हालसम्म पनि सेयर अभौतिकीकरण नगरेका सेयरधनीहरुले आफ्नो सेयर अभौतिकीकरण गराई आफनो बोनस सेयर समेत डिम्याट खातामा नै प्राप्त गर्न सकिने बैंकले जनाएको छ । उक्त बोनस सेयर नेप्से र सीडीएससीमा सूचीकृत तथा दर्ता भई अभौतिक रुपमा कारोबार हुने व्यवस्था भइसकेको बैंकले जनाएको छ ।