नेपाल विजनेश समाचारदाता,
काठमाडौं।
भारतबाट पेट्रोलियम पदार्थको मूल्य बढेर आएको छ । भारतीय आयल निगमबाट पेट्रोलमा ३ रुपैयाँ ८९ पैसा, डिजेलमा ३ रुपैयाँ ८ पैसा र मट्टितेलले १० रुपैयाँ ३० पैसा मुल्य बढेर आएको नेपाल आयल निगमले जनाएको छ । 

कच्चा तेलको अमेरिकी डलर ९५ देखि १०५  प्रति ब्यारेल पुगेको छ । त्यसैले भारतबाट मूल्य बढेर आएको छ .. यसको संकेत भनेको अब फेरि आयल निगम मुल्य बढाउने तयारीमा लागेको हो । 

यस्तै हवाई इन्धनमा ३ रुपैयाँ ३२ पैसा र ग्यासमा प्रति सिलिण्डर ९९ रुपैयाँ १७ पैसा बढेर आएको निगमले मंगलबार विज्ञप्तिमार्फत जनाएको हो । यसको संकेत भनेको अब फेरि आयल निगम मुल्य बढाउने तयारीमा लागेको हो । 

निगमका अनुसार अब आधा महिनामा नै करिब ३ अर्ब बढी रकम घाटा हुने स्थिति पैदा भएको छ । रसिया र युक्रेनबिचको द्धन्द्धलाई मुख्य कारण देखाइएको छ । त्यसले अन्तर्राष्ट्रिय बजारमा पेट्रोलियम पदार्थको मूल्य थप वृद्धि भएको निगमको भनाइ छ । 
कच्चा तेलको अमेरिकी डलर ९५ देखि १०५  प्रति ब्यारेल पुगेको छ । त्यसैले भारतबाट मूल्य बढेर आएको छ । यो वर्ष लागेपछि निगमले २८ अर्ब घाटा बेहोरिसकेको छ । यसअघि पनि पटकपटक तेलको मूल्य वृद्धि हुँदै आए पनि घाटाको व्यापार भइरहेको निगमले जनाउँदै आएको छ ।