काठमाण्डौं

नेपाली सेनाले महाशिवरात्रि एवं सेना दिवसका अवसरमा बढाइँ कवाजसहितको विशेष समारोह मनाएको छ । सैनिक मञ्च टुडिखेलमा आयोजित बिशेष समारोहमा राष्ट्रपति बिद्यादेवी भण्डारी, उपराष्ट्रपति नन्द बहादुर पुन, प्रधानमन्त्री शेर बहादुर देउवा, सभामुख अग्नी सापकोटा लगाएतको उपस्थीति रहेको थियो ।

सो क्रममा राष्ट्रपति भण्डारीले सैनिक मञ्चमा रहेको वीर स्मारकमा माल्यार्पण गर्नुका साथै वीर शहिदहरुप्रति श्रद्धान्जली अर्पण गर्नु भएको थियो भने नेपाली सेनाले राष्ट्रपतिको सम्मानमा सम्मान गारत अर्पण गरेको थियो । समारोहमा नेपाली सेनाको हेलिकप्टरद्वारा ‘महाशिवरात्री तथा सेना दिवस –२०७८’अंकित व्यानर प्रदर्शन तथा पुष्पबृष्टी गरिएको थियो । 

यस्तै नेपालको राष्ट्रिय झण्डाको आकृति समेत निर्माण गरी राईफल र तोपबाट महाशिवरात्रीको बढाइँ गरिएको थियो । समारोहमा मार्चपास, बख्तरबन्द गाडी, हतियार र इक्युप्मेन्ट प्रदर्शन, ब्याण्ड डिस्प्ले पनि गरिएको थियो

यस्तै समारोहमा  राष्ट्रिय गौरवका सडक निर्माण आयोजना, राष्ट्रिय निकुञ्ज तथा वन्यजन्तु आरक्षण र विश्वशान्ति स्थापनामा सहभागिता तथा विपद् व्यवस्थापनसम्बन्धी विविध गतिविधि झल्कने झाँकीसमेत प्रदर्शन गरिएको छ भने आकर्षक सैनिक कला फ्रि–फल जम्प गरिएको थियो ।

समारोहमा राष्ट्रपति भण्डारीले सिपाही बार्षिक–२०७८ को विमोचन गर्नुको साथै फ्रि–फल जम्पमा प्रथम र द्वितिय हुने सैनिकहरुलाई पुरस्कार समेत वितरण गर्नु भएको थियो । नेपाली सेनाले दुई दशकअघिदेखि महाशिवरात्रिको दिनलाई सेना दिवसका रूपमा मनाउँदै आएको छ ।

भिडियो सहित