काठमाडौं
राष्ट्रिय सहकारी बैंक लिमिटेडको नायव महाप्रबन्धक (डिजिएम) मा मनोज खड्का नियुक्त हुनु भएको छ । बैंकको पदपूर्ति उप–समितिको सिफारिसमा खड्का डिजिएममा नियुक्त हुनुभएको हो । खड्काले फागुन १५ गते आइतबारदेखि कार्यभार समाल्नुभएको छ ।

नविल बैंक, बैंक अफ् काठमाडौं, प्राईम कमर्सियल बैंक, टुरिजम बैंक लगायतका बैंकहरुमा उच्च व्यवस्थापनमा रहेर काम गरेको अनुभव खड्कासँग रहेको छ ।  खड्काले तत्कालिन समयमा टुरिजम बैंक मर्ज पश्चात बनेको मेगा बैंक हुदै २९ वर्ष देखी बैकिङ्क क्षेत्रमा लामो अनुभव संगाल्नुभएको छ ।साथै उहाँको बैकिङ्क क्षेत्रमा नेतृत्व विकास, व्यवसाय विस्तार, संस्थागत विकास, कर्पोरेट म्यानेजमेन्ट लगायतको क्षेत्रहरुमा विशेष अनुभव रहेको छ ।