७ मंसिर, २०८१ शुक्रबार
07:16:29 AM
१३ फागुन, २०७८
यसअघि १४ दशमलव ७५ प्रतिशतसम्म व्याज लिन पाउने व्यवस्था रहेकोमा अबदेखि भने १६ प्रतिशतसम्म लिन पाइने
नेपाल विजनेश समाचारदाता,
काठमाडौँ । नेपालका सहकारीको व्याजदर वृद्धि भएको छ । यसअघि १४ दशमलव ७५ प्रतिशतसम्म व्याज लिन पाउने व्यवस्था रहेकोमा अबदेखि भने १६ प्रतिशतसम्म व्याज लिन पाइने भएको छ ।
सहकारी ऐन २०७४ को दफा ५१ बमोजिम सन्दर्भ व्याजदर निर्धारण समितिको सिफारिसको आधारमा सहकारी संघ/संस्थाहरुका लागि यही फागुन १५ गतेदेखि लागु हुने गरी यसरी व्याज बढाइएको हो ।
सहकारी ऐन २०७४ को दफा ५१ बमोजिम सन्दर्भ व्याजदर निर्धारण समितिको सिफारिसको आधारमा सहकारी संघ/संस्थाहरुका लागि यही फागुन १५ गतेदेखि लागु हुने गरी यसरी व्याज बढाइएको हो ।
सहकारी विभागले व्याजदर अधिकतम १६ प्रतिशत तोकिदिएको छ । सबै सहकारी संघ÷संस्थाले सदस्यहरुलाई ऋण प्रवाह गर्दा अधिकतम सीमा १६ प्रतिशत बढाउने पाउने छैन । बचत र ऋणको व्याजदर अन्तर ६ प्रतिशत कायम गर्न भनिएको छ ।
सेवा शुल्क अधिकतम १.५ प्रतिशत लिन पाउने
बचत तथा ऋणको कारोबार गर्ने सबै सहकारी संस्थाहरुले प्रवाह गर्ने ऋण लगानीमा व्यक्तिगततर्फ १ प्रतिशत र सामुहिक जमानीतर्फ एक दशमलव ५ प्रतिशत भन्दा बढी सेवा शुल्क लिन नपाउने गरी सन्दर्भ व्याजदर लागू गर्ने व्यवस्था गर्न गराउन भनेको विभागका रजिष्टार रुद्रप्रसाद पंडितले बताउनुभएको छ ।
यसरी तोकिएको सन्दर्भ व्याजदर सहकारी संघ÷संस्थाहरुका लागि निर्देशक व्याजदरको रुपमा रहने हुँदा सहकारी विभाग र राष्ट्रिय सहकारी महासंघ तथा केन्द्रीय विषयगत संघहरुबाट पालनाको अनुगमन गर्दा सहकारी कानुन बमोजिम हुने जनाइएको छ ।
