काठमाण्डौ । 
अख्तियार दुरुपयोग अनुसन्धान आयोगले बाग्लुङ नगरपालिकाको दावगरा बसपार्क निर्माण गर्दा भ्रष्टाचार गरेको आरोपमा बाग्लुङ नगरपालिकाका तत्कालीन प्राबिधिक प्रमुख सिडिई दयाराम अधिकारी सहित ८ जना विरुद्ध आरोपपत्र दायर गरेको छ ।

काम पुरा भएको भुक्तानी दिएपनि फिल्डमा काम नै नभएको देखिएको सम्वन्धमा विभिन्न सञ्चार माध्यायममा समाचार सार्वजनिक भएपछि आयोगमा परेको उजुरीमाथी छानविन गर्दा यस कार्यमा संलग्न ८ जना विरुद्ध विशेष अदालतमा आयोगले मुद्धा दायर गरेको हो । 

आयोगले ८ जनालाई जनही पाँच लाख नब्बे हजार पाँच सय बरावरको बिगो मागदावी गर्दै आरोप पत्र दायर गरेको हो ।

आयोगले सब इन्जिनियर घनश्याम रिजाल, ञ्जिनियर मनोज शर्मा,  मनोज शर्मा, बागलुङ्ग नगरपालिका, वडा नं. ४ का वडाध्यक्ष ध्रुव बहादुर केसी, नगर उपप्रमुख सुरेन्द्र खड्का, इन्जिनियर, दावगरा बसपार्क निर्माण उपभोक्ता समितिका अध्यक्ष सुभाष चन्द्र राजभण्डारी, कोषाध्यक्ष भीम कुमारी आचार्य र सचिव गुणनिधि शर्मा भ्रष्टाचारमा संलग्न रहेको पाइएसंगै उनिहरु विरुद्ध आरोपत्र दायर गरेको आयोगले विज्ञप्ति मार्फत जानकारी दिएको हो ।