काठमाडौं
सिटिजन्स बैंकले पुर्व रुकुम जिल्लाको भुमे गाउँपालिका, महतमा आफ्नो शाखारहित बैंकिङ्ग सेवा संचालनमा ल्याएको छ । बैंकले देशका दुर्गम स्थलका बासिन्दाहरुलाई सर्वसुलभ तथा अत्याधुनिक बैंकिङ्ग सेवा पुर्याउने उद्देश्यका साथ उक्त सेवा संचालनमा ल्याएको हो ।

बैंकले माघ २३ गते पुर्व रुकुम जिल्लाको भुमे गाउँपालिका, महतमा ९२ औँ शाखासहित बैंकिङ्ग सेवा संचालन गरेको हो । बैंकले सो स्थानमा सेवा संचालनका लागि स्थानीय व्यवसायी धन बहादुर वलीलाई व्यवसायिक प्रतिनिधि नियुक्त गरेको छ ।

यस शाखा रहित बैंकिङ्गबाट निक्षेप संकलन, रकम भुक्तानी, कोष स्थानान्तरण, मोबाइल फोनको बिल भुक्तानी, उपयोगी सेवाहरुको रकम भुक्तानी लगायत बैंकले प्रदान गर्ने अन्य सेवाहरु उपलब्ध गराउने लक्ष्य राखिएको छ । यस सेवाबाट ग्रामिण क्षेत्रमा बैंक प्रति उल्लेखिय विश्वास एंव बैंकिङ्ग सभ्यताको बिस्तार हुने अपेक्षा बैंकले लिएको छ ।