काठमाडौं
नेपाल टेलिकमले गल्याङ नगरपालिकाको लबरकोटमा जिएसएम सेवाको नयाँ बीटीएस टावर सञ्चालनमा ल्याएको छ। गल्याङ नगरपालिकाको लबरकोटमा नेपाल टेलिकमको सो सेवा गत मंगलबारदेखि सुरु गरिएको छ । फोरजी तथा टुजी दुवै सेवासहित सञ्चालन गरिएको उक्त टावरले सो क्षेत्रका हजारौँ उपभोक्ताको गुनासो सम्बोधन भएको नेपाल टेलिकमले जनाएको छ ।

गल्याङ नगरपालिका वडा नं. ११ मा सञ्चालित उक्त टावरबाट स्याङ्जाको जिमुवा, लबरकोट, तुलसीभन्ज्याङ, दिमिकलगायत क्षेत्रका साथै पाल्पा जिल्लाको असर्दी, हुँगी, फोक्सिङकोटलगायतका आसपासका क्षेत्रका उपभोक्ताहरु पनि पूर्ण रुपमा लाभान्वित हुने छन् ।