काठमाण्डौं
स्वाबलम्बन लघुवित्त वित्तीय संस्थाले चालुु आर्थिक वर्षको दोस्रो त्रैमासीक वित्तीय विवरण सार्वजनिक गरेको छ । उक्त वित्तीय विवरण अनुसार कम्पनीको नाफा गत आर्थिक वर्षको दोस्रो त्रैमासको तुलनामा चालुु आर्थिक वर्षको सोही अवधिमा २७ प्रतिशत वृद्धि भएको छ ।

कम्पनीले गत आर्थिक वर्षको दोस्रो त्रैमासमा १८ करोड ४५ लाख नाफा कमाएकोमा चालुु आर्थिक वर्षको सोही अवधिमा वृद्धि भएर २३ करोड ५१ लाख पुगेको हो । चाल आर्थिक वर्षको  दोस्रो त्रैमासमा कम्पनीको खुद ब्याज आम्दानीमा वृद्धि भएको र ७ करोड ९३ लाख खराब कर्जा उठाउन सफल भएकाले नाफा बढ्ेको हो । कम्पनीको चुक्ता पूँजी १ अर्ब १२ करोड रहेको छ भने जगेडामा १ अर्ब ८० करोड सञ्चित गरेको हो ।
चालू आर्थिक वर्षको दोस्रो त्रैमाससम्ममा कम्पनीले ५ अर्ब ४३ करोड सापटी लिएर, ११ अर्ब २६ करोड निक्षेप संकलन गरी १८ अर्ब ९६ करोड कर्जा लगानी गरेको हो । कम्पनीको प्रतिशेयर आम्दानी ३१.९०, मूल्य आम्दानी अनुपात ३३.४१ प्रतिशत,तरलता अनुपात ३.७७ प्रतिशत र प्रतिशेयर नेटवर्थ २६०.४४ रहेको छ ।