काठमाण्डौं
सनराइज म्युचुअल फण्ड अन्तर्गत सञ्चालित सनराइज फस्ट म्युचुअल फण्डले पुस मसान्तसम्मको खुद सम्पत्ति विवरण आइतवार सार्वजनिक गरेको छ ।
उक्त विवरण अनुसार फण्डले पुस मसान्तसम्म १० करोड १५ लाख नाफा कमाएको हो । फण्ड मंसिर मसान्तसम्ममा  १ करोड ८८ लाख नोक्सानीमा रहेको थियो । पुस मसान्तसम्ममा ११ करोड ४० लाख आम्दानी गर्न सफल भएकाले फण्ड नाफामा भएको हो ।

त्यसैगरी फण्डको एनएभी पनि मंसिर महीनाको तुलनामा पुस महीनामा वृद्धि भएको छ । एनएभी मंसिर मसान्तसम्ममा १३.४८ रहेको उक्त फण्डको पुस मसान्तसम्ममा वृद्धि भएर  १४.८८ प्रतिशत पुगेको छ । पुस मसान्तसम्ममा फण्डले सूचीकृत शेयरमा  ६२ करोड ६ लाख लगानी गरेको छ ।