कुमाल समुदायले आफ्नो संस्कृति, परम्परा र भेषभुषाको संरक्षण गरी अधिकार सुनिश्चित गर्न माग गरेको छ । 

नेपाल कुमाल समाज सुधार समिति काठमाडौँको दोस्रो अधिवेशनका क्रममा आज समितिका केन्द्रिय अध्यक्ष विशाल कुमालले सामाजिक, आर्थिक र शैक्षिक रुपमा पछि परेको सिमान्तकृत कुमाल समुदायको संरक्षण, विकास र उनीहरुको दक्षता अभिवृद्धिमा ध्यान दिन सरकारसँग माग गर्नुभयो । 

नेपाल कुमाल समाज सुधार समिति काठमाडौँको दोस्रो अधिवेशनका क्रममा  समितिका केन्द्रिय अध्यक्ष विशाल कुमालले सामाजिक, आर्थिक र शैक्षिक रुपमा पछि परेको सिमान्तकृत कुमाल समुदायको संरक्षण, विकास र उनीहरुको दक्षता अभिवृद्धिमा ध्यान दिन सरकारसँग माग गर्नुभयो । 

स्थानीय सरकारको रुपमा रहेको हरेक पालिकाले पनि यसतर्फ ध्यान दिन नसकेको उहाँले बताउनुभयो । प्रदेश तथा स्थानीय तहमा कुमाल प्रतिनिधिहरु चुनिन नसक्नुले यस समुदायको अबस्था कस्तो छ भनेर यथार्थ चित्रण आउने उल्लेख गर्दै उहाँले कुमाल सुमदायलाई शैक्षिक तथा शीप प्रदान गरी शिक्षित र आर्थिक रुपमा सबल बनाउन जरुरी रहेको पनि बताउनुभयो । उहाँले कुमाल समुदायको भाषा, संस्कृति, रहनसहन भेषभूषाको अनुसन्धान गर्न पनि सरकारसँग माग गर्नुभएको छ । 

कार्यक्रममा चन्द्रागिरि नगरपालिकाका प्रमखु धनश्याम गिरीले काठमाडौँ उपत्यकामा पहिलेपहिले नेवार समुदायको संस्कृति मात्रै देखिने गरेकोमा अहिले हरेक समुदायका साँंस्कृतिक गतिविधि देखिन थालेको बताउनुभयो । 

उहाँले अब कुमाल समुदायको संस्कृति पनि काठमाडौँमा देख्न पाइने भन्दै खुसी व्यक्त गर्नुभयो । यो समुदायको संस्कृति प्रवद्र्धन र शीप विकासका लागि नगरपालिकाबाट आवश्यक सहयोग गर्ने प्रतिबद्धता पनि उहाँले जनाउनुभएको छ । 

समारोहमा समितिका कोषाध्यष शान्ति कुमारलले १० वर्ष अघि कार्यक्रम गर्दा कुमाल समुदाय खोज्नुपर्ने अबस्था रहेकोमा अहिले भने संगठित भएकाले स्वतफूर्त उपस्थित हुने गरेको अनुभव सुनाउनुभयो । सो क्रममा अन्तराष्ट्रिय पौडी खेलाडी विकास कुमाल र युवा उद्यमी डेभिड कुमाललाई सम्मान गरिएको थियो ।