काठमाण्डौं

चालू आर्थिक वर्षको दोस्रो त्रैमाससम्मा डिप्रोक्स लघुवित्त वित्तीय संस्था लिमिटेडले ३३ करोड ४४ लाख रुपैयाँभन्दा बढी खुद नाफा गरेको छ । बिहीवार सार्वजनिक गरेको कम्पनीको उक्त अवधिसम्मको वित्तीय विवरण अनुसार गत वर्षभन्दा यस वर्ष खुद नाफा ३.२३ प्रतिशत बृद्धि भएको हो ।

गत वर्ष यस अवधिसम्म कम्पनीले ३२ करोड ४० लाखभन्दा बढी खुद नाफा गरेको थियो । यस वर्ष सञ्चालन घाटामा सुधार आई  ४७ करोड २९ लाखभन्दा बढी सञ्चालन नाफा भएकाले कम्पनीले खुद नाफामा बृद्धि भएको हो । गत वर्ष यस अवधिसम्म कम्पनी ९२ करोड ५१ लाखभन्दा बढी सञ्चालन घाटामा रहेको थियो । यस वर्ष सम्भावित जोखिम शिर्षकमा गत वर्षभन्दा कम रकम छुट्याएकाले कम्पनीको सञ्चालन घाटामा सुधार आएको हो ।

गत वर्ष १ अर्ब ४० करोडभन्दा बढी रकम छुट्याएको कम्पनीले यस वर्ष  ३ करोड ३८ लाखभन्दा बढी रकम छुट्याएको हो । कम्पनीको निष्क्रिय कर्जा यस वर्ष ०.५९ प्रतिशत रहेको छ । गत वर्ष यो कर्जा अनुपात ०.६२ प्रतिशत थियो । वार्षिक प्रतिशेयर आम्दानी  ४८.२१ रहेको कम्पनीको प्रतिशेयर नेटवर्थ १९८.२० रहेको छ ।

३८ प्रतिशत बोनस शेयर मार्फत चुक्तापूँजी बृद्धि गरी १ अर्ब ३८ करोड ७४ लाखभन्दा बढी पु¥याएको कम्पनीको जगेडा कोष रकम पनि १३.२५ प्रतिशत बढी  १ अर्ब ३६ करोडभन्दा बढी कायम भएको छ । विभिन्न बैंक तथा वित्तीय संस्थाबाट १०.४३ प्रतिशत बढी  ७ अर्ब ५४ करोड कर्जा सापटी लिएको कम्पनीले २३.४७ प्रतिशत बढी  १७  अर्ब ९ करोड कर्जा प्रवाह गरेको छ । निक्षेप संकलन भने गत वर्षभन्दा २७.८२ प्रतिशत बढी ७ अर्ब ३९ करोड रुपैयाँ भएको छ ।